ڕۆژژمێری کۆچی ھەتاویL JkqOj p RrCc uh ZGg T Tt SsD89Zzp8pxn Ud
شەممە
١٧ی ئابی ٢٠١٩ی زایینی
٢٦ی گەلاوێژی ٢٧١٩ی کوردی
١٥ی زولحەججەی ١٤٤٠ی کۆچی
ڕۆژژمێری کۆچی ھەتاوی یان ڕۆژژمێری فارسی (بە فارسی: ھجری خورشیدی یان ھجری شمسی)، ڕۆژژمێرێکی ھەتاوییە (یان بەستراوە بە خولی ھەتاو (خۆر)ەوە). لە ٣٦٥ ڕۆژ پێک دێت لە ساڵی سادەدا و لە ٣٦٦ ڕۆژ پێک دێت لە ساڵی پڕدا، و دابەش دەبێت بەسەر ١٢ مانگدا، شەش مانگەکانی سەرەتای لە ٣١ ڕۆژ پێک دێن و پێنج مانگەکەی دواتر لە ٣٠ ڕۆژ پێک دێن، بەڵام مانگی دوانزە لە ٢٩ ڕۆژ پێک دێت لە ساڵی سادەدا و لە ٣٠ ڕۆژ پێک دێت لە ساڵی پڕدا،
پێرست
- ١ سەرەتای ڕۆژژمێری کۆچی ھەتاوی
- ٢ دانانی
- ٣ مانگەکان
- ٤ ئەم بابەتانەش ببینە
- ٥ سەرچاوەکان
سەرەتای ڕۆژژمێری کۆچی ھەتاوی[دەستکاری]
ساڵی ھەتاوی دەست پێدەکات لە سەرەتای بەھاردا لە ٢١ی ئازاردا بە پێی ڕۆژژمێری زایینی بە گشتی و ھەندێک ساڵ لە ٢٢ یان ٢٠ی مارس دەست پێدەکات بە پێی بەرەو پێشچوونی ساڵی پڕ. و یەکەم ڕۆژی ساڵەکە بە نەورۆز ناو دەبرێت، ھەروەھا ڕۆژژمێری ھەتاوی یان فارسی بە ڕۆژمێری جەلالی ناو دەبرێت بە گەڕاندنەوە بۆ جەلالەدین مالک سوڵتانی خۆراسان.
دانانی[دەستکاری]
| کۆچی ھەتاوی | ١٬٣٩٨ |
| کۆچی هەیڤی | ١٬٤٤٠ – ١٬٤٤١ |
| زایینی | ٢٬٠١٩ – ٢٬٠٢٠ |
زانای موسڵمان عومەر خەیام ئەم ڕۆژژمێرەی دانا، بە یارمەتی حەوت زانای گەردوونناس، بە وردترین ڕۆژژمێر دادەنرێت لە سەر زەویدا لە ئێستادا، ڕێژەی ھەڵە تیایدا بۆ ھەر ڕۆژێک ٣.٨ ملیۆن ساڵە لە بەرامبەردا ڕێژەی ھەڵە لە ڕۆژمێری زایینیدا ئەگاتە ڕۆژێک لە ٣٣٠٠ ساڵ، و ئەم رۆژژمێرە بەکاردێت لەلایەن ھەردوو وڵاتی ئێران و ئەفغانستان، و لە بەشێکی ڕۆژژمێری ئوم لقوڕادا بەکار دێت بۆ دیاریکردنی وەرزەکانی ساڵ.
یەکەم رۆژی ڕۆژمێری کۆچی ھەتاوی ١ی فروردین (نەورۆز)ی ساڵی ١ی کۆچی ھەتاوییە، بەرامبەر ٢٩ی شەعبانی ساڵی ١ی پێش کۆچی و بەرامبەر ٢٢ی ئازاری ٦٢٢ی زایینی.
ساڵی یەکەمی ئەم ڕۆژمێرە ساڵی کۆچی پێغەمبەر محەمەد لە مەککەوە بۆ مەدینە.
ئێستا ساڵی ١٣٩٨ی کۆچی ھەتاوییە (=٢٧١٩ی کوردی) بەرامبەر ٢٠١٩ی زایینی.
مانگەکان[دەستکاری]
| ڕیزبەندی مانگەکان | ژمارەی ڕۆژەکان | ناوەکەی بە کوردی | ناوەکەی بە فارسی | مێژووکانی زائینی | |
|---|---|---|---|---|---|
| ١ | ٣١ | خاکەلێوە(نەورۆز) | فروردین | ٢١ی ئازار – ٢٠ی نیسان | |
| ٢ | ٣١ | گوڵان | اردیبهشت | ٢١ی نیسان – ٢١ی ئایار | |
| ٣ | ٣١ | جۆزەردان | خرداد | ٢٢ی ئایار – ٢١ی حوزەیران | |
| ٤ | ٣١ | پوشپەڕ | تیر | ٢٢ی حوزەیران – ٢٢ی تەمموز | |
| ٥ | ٣١ | گەلاوێژ | مرداد | ٢٣ی تەمموز – ٢٢ی ئاب | |
| ٦ | ٣١ | خەرمانان | شهریور | ٢٣ی ئاب – ٢٢ی ئەیلوول | |
| ٧ | ٣٠ | ڕەزبەر | مهر | ٢٣ی ئەیلوول – ٢٢ی تشرینی یەکەم | |
| ٨ | ٣٠ | خەزەڵوەر (گەڵاڕێزان) | آبان | ٢٣ی تشرینی یەکەم – ٢١ی تشرینی دووەم | |
| ٩ | ٣٠ | سەرماوەز | آذر | ٢٢ی تشرینی دووەم – ٢١ی کانوونی یەکەم | |
| ١٠ | ٣٠ | بەفرانبار | دی | ٢٢ی کانوونی یەکەم – ٢٠ی کانوونی دووەم | |
| ١١ | ٣٠ | ڕێبەندان | بهمن | ٢١ی کانوونی دووەم – ١٩ی شوبات | |
| ١٢ | ٣٠/٢٩ | ڕەشەمێ | اسفند | ٢٠ی شوبات – ٢٠ی ئازار | |
ئەم بابەتانەش ببینە[دەستکاری]
- ڕۆژژمێری کۆچیی
- ڕۆژژمێری زایینی
سەرچاوەکان[دەستکاری]
- مێژووی کۆچی ھەتاوی
- سایتی فەڕمی ڕۆژژمێری ئوم لقوڕا
| ||||||