Šugar'vFf Ec6 iG BJ
| Valdkund | Venäma |
| Eläjiden lugu (2016) | 2 245 ristitud |
| |
| Telefonkod | +7-81 367-xx-xxx |
| Avtokod | 47 |
| Aigvö | UTC+3 (MSK+0) |
Šugar'v (vai Šugär', ven.: Шугозеро) om žilo Leningradan agjan Tihvinan rajonas, Šugjärven randanno. Se om Šugar'ven küläkundan administrativine keskuz.
Südäiolend
- 1 Istorii
- 2 Geografijan andmused
- 3 Eläjad
- 4 Rahvahaline praznik
- 5 Homaičendad
- 6 Irdkosketused
Istorii[redaktiruida | redaktiruida purde]
Panihe žilon alust lähižiden eländpunktoiden ühtištusel, nimitadas Šugar'ven agjoid niiden polhe tähäsai. Saudihe žilod olda rajonan keskuseks. Vozil 1927−1963 žilo oli Kapšan rajonan administrativižen keskusen. Tegimištoližkombinat i mecpromhoz radoiba.
Geografijan andmused[redaktiruida | redaktiruida purde]
Žilo sijadase Šugjärven (5,9 km²) suvirandanno i Pašjogen hural randpolel. Matkad Tihvinhasai om 66 km suvipäivlaskmha avtotedme. Lähembaižed orhal raudtestancijad oma Tihvin- i Pikalövo-lidnoiš.
Kaik om 31 irdad žilos. Ladoganveren käpišton 11. voz'sadan objektad sijadasoiš läz žilod.
Eläjad[redaktiruida | redaktiruida purde]
Vl 1990 Šugar'ven eläjiden lugu oli 2 616 ristitud. Vn 2010 Venäman rahvahanlugemižen mödhe — 2 060 ristitud. Ortodoksižen hristanuskondan puine Jumalanmaman Kazanin jumalaižen pühäpert' i baptizman kund oma olmas žilos.
Socialine infrastuktur: kaks'žiruine läžundkodi, päivkodi, keskškol, meckeskuz, kul'turpert', stadion ratud krepindanke.
Rahvahaline praznik[redaktiruida | redaktiruida purde]
Vn 2012 17. päiväl kezakud neciš žilos oigetihe Leningradan agjan ezmäšt vepsän kul'turan praznikad «Vepsän purde»-nimenke[1]. Järgenduseline mugoine praznik oli vn 2016 18. päiväl kezakud.[2]
Homaičendad[redaktiruida | redaktiruida purde]
- ↑ Vepsän kul'turan «Vepsän purde»-praznik Šugar'v-žilos vl 2012. Video (Праздник вепсской культуры «Вепсский родник» в п. Шугозеро в 2012 году. Видео). — Tikhvin.spb.ru.
- ↑ Tedotuz «Vepsän purde»-praznikas // Tedotused. 10. kezaku 2016. — Tikhvin.org. (ven.)
Irdkosketused[redaktiruida | redaktiruida purde]
- Šugar'ven küläkundan lehtpoled Tihvinan rajonan oficialižel tikhvin.org-saital. (ven.)