Lateinische Phrasn/Djp
Lateinische Phrasn A B C D E H M S V
Initiale D
Inhoitsvazeichnis
- 1 Damnatio
- 2 Dat
- 3 de
- 4 deleatur
- 5 Delirant
- 6 Demon
- 7 Deorum
- 8 Diem
- 9 Dirigo
- 10 Doctor
- 11 Ducunt
- 12 Dura/Durum
- 13 Beleg
Damnatio[VE | Weakln]
Bei da Peason links untn (Koasa Geta) is da Schädl glescht.
- Damnatio memoriae
- „Vadommung vo da Eainnarung“: Wenn jemond ausn Gmiak gleschi wean soi. Vahosste Typn san aus de Annaln tuigt woan, olle Buida und Inschriftn, de wo auf de Peason hingwiesn hom, san zasteat woan.
Dat[VE | Weakln]
- Dat census honores.
- Ovid, Amores 3,8,55.
- „Reichtum bringt Oseng.“ „Da Diridari machd honorig.“
- Dat, dicat, dedicat.
- „Er gibt, weiht und widmet.“ - Weiheforme fia Opfagengständ, obkiazt mit D. D. D. A ondare Version is „Dat, donat, dedicat“.
de[VE | Weakln]
- De nihilo nihil fit.
- „Aus nix werd nix.“[1] Des glaubm de Natuawissnschoftla.
- Da Baua sehgd des aa und glaubd an des umgkead Rezept: „Vöj hejft vöj.“
- De Homeopatn glaubm wieda ebbs andas, wia d'Gruawarin in oam vo iarene Programme moand. Da gehd da Baua iwa n Agga, loßt an Schoaß und sagt: „So, jezz is dungd.“
deleatur[VE | Weakln]
- deleatur
- „Weg damit!“ Des is de Bedeitung von am Korrekturzeichen für Manuskripte: Ma schtraecht den Buachstabm oder den Texttoj, der wegghert, durch und schreibt danebm ann Rand, – fia deleatur! – a kloans d in der deitschn Kurrentschrift.
Delirant[VE | Weakln]
- Delirant isti Romani.
- „De spinna, de Rema.“ - Aus da lateinischn Version vo da Asterix-Serie; Standardspruch vom Obelix.
Demon[VE | Weakln]
- Demon est deus inversus.
- „Da Deifi is da Hintan vom God.“
- Den Satz, der in de Theosophie und in de sunstige Esoterik ghert, den hat die Helena Petrovna Blavatsky in oam vo ihrane Hauptwerk (Die Geheimlehre) bekannt gmacht[2].
Deorum[VE | Weakln]
- Deorum vitam apti sumus.
- „Wia God in Frankreich lebma jetz.“[3]
Diem[VE | Weakln]
- Diem perdidi.
- „I hob an Tog valoan!“ - A Spruch vom remischn Kaisa Titus, wia eam beim Essn eingfoin is, dass a an im Tog no nix Guads gmocht ghobt hod.
Dirigo[VE | Weakln]
Siegl vom Bundesstoot Maine
- Dirigo.
- „I loat enk.“ Motto aufm Stootssiegl vom amerikanischen Bundesstoot Maine, vo 1820. Da Polarstean ois Loatstean vo de Seefoara is domit gmoant.
Doctor[VE | Weakln]
- Doctor
- „Leara“ - A Doktor is imstond, jemond ondan wos beizbringa.
Ducunt[VE | Weakln]
- Ducunt volentem fata, nolentem trahunt.
- „S Schicksae waest den, dea wo se waesn losst; dea wia se ei(nspraezt, den zarrt s mid eam fuat.“
- Des is a lataenischa Tragedienvers, den wo ma baem Seneca[4] lest. Herstamma tuat a entweda vom Philosophm Seneca (dea hod aar a Stucka nae(n Tragedien gschriebm) oda vo dem griachischn Dichta Kleanthes.[5]
- Des woaß ma deswegn ned, wae da Seneca an deara Stell a boa Vers vo dem Kleanthes auf Lataenisch iwasetzt und dann hängt a den zitiatn Vers, den wia ma sunst ned kennt, no dra(n.
Dura/Durum[VE | Weakln]
- Dura lex sed lex
- „Des Gsetz (is) hoat, oba (es is) des Gsetz.“
- Durum patientia vincit.
- „Geduld gwinnt geng Härte.“
- Des is a Kuazfoam von a-r-am ganzn Versal (an Hexameter):
- Dura pati virtus, vincit patientia dura. (S Harte datrogn is Tapferkaet, übers Harte werd Herr die Geduid.) - Des is a Wahlspruch auf a-r-am Stammbuachbladdl vo oam vo dene Herzög vo Lauenburg.
Beleg[VE | Weakln]
- ↑ Lukrez, De rerum natura (Iwa d'Natua) 2,287: „de nihilo quoniam fieri nil posse videmus“ („Wae ma sehgn, das aus nix nix werdn ko(n“).
- ↑ Vgl. dort: Bd. I (Kosmogenesis), Zweiter Teil (Die Entwicklung der Symbolik), Abteilung XI (Demon est deus inversus)
- ↑ Terenz, Heauton timorumenos 693
- ↑ Epistulae morales 107,11
- ↑ frg. phys. 527 Arnim
Lateinische Phrasn A B C D E H M S V