Santa ÇittamdoBaq2& chsin Oo Nn g H0
Santa Çitta ò Sitta (Monsagroei, Lucca, 1218 - 27 arvî 1278)
A nascette into 1218 da 'na povia famiggia de Monsagroei, in ta dioçexi de Lucca. Da l'etæ de apeña dozz'anni a fu a-o serviççio da nobile famiggia di Fatinelli a Lucca. Sempre contradistinta da 'n forte senso do dovei, gioioza e umile de carattere, a visse amievemente i ideæ e e virtù evangeliche, asciorta inte l'asciddoa contempraçion di divin misteii. A seppe ben coniogâ a so aosteritæ de vitta co-ina caitæ de longo vigile verso o proscimo ciu indigente. Una lezendia a nara comme un'atra domestega di Fatinelli, gioza de l'affetto riçevuo da-a Çitta, a l'aviæ començao a inscinoâ inta mente do cappo famiggia o sospetto che lê a l'aróbèsse in caza quant'a donava a-i povei; un giorno o padron, incontrando a Çitta co-o scósâ inscio dementre ch'a l'anava da 'na famiggia bezugnoza, o g'aviæ domandao cos'a portesse; nonostante questo o foise pin de pan, a Çitta a rispose ch'a portava solo scioî e fronde, e quand'a desfeççe o scósâ queste cheitan pe 'ndavei. A moì into 1278.
I luccheixi vossan che e so spœugge trovessan degna seportûa inta baxilica de San Fredian. A Çitta a l'ea za mai tanto venerâ inta Toscaña da ese çitâ da-o Dante inta Diviña Comeddia poco doppo a morte, fando rifeimento a un magistrato de Lucca dito “ançian de santa Çitta”, identificando coscì Lucca co-a donna che ancon a no l'ea stæta canonizâ da-a Gexa. Pappa Inoçençio XII into 1695 o ne ratificò e confermò o curto. Pio XII into 1955 o deciarò solennemente “a vergine Santa Çitta Patroña presso Dê de domesteghe e de tutte e donne adîte a-a cua da caza”. A santa a l'è titolæa da congregaçion femminile de Sœu Oblæ do Sprito Santo, dita ascì Instituto de Santa Çitta. Otr'a l'Arçidioçexi de Lucca, a Dioçexi de Massa Caræa - Pontremmoi ascì a comemmoa a-o 27 d'arvî questa santa in quante so poæ o l'è consciderao da-a tradiçion originaio do Borgo de Suççiza, into comun de Pontremmoi, onde gh'è anco-ina cappeletta eretta in sò ónô.
Patronægo: Casalinghe, Serve, Fornæ
A se çellebra o 27 d'arvî
Referençe[modìfica | modìfica wikitèsto]
Tradûto da santiebeati.it