Deertlüse Xባ Kig 8uaቡa
| Deertlüs(e) | ||||||||||||||
|---|---|---|---|---|---|---|---|---|---|---|---|---|---|---|
 Koppluus, Heken | ||||||||||||||
| Systematik | ||||||||||||||
| ||||||||||||||
| Wetenschoplich Naam | ||||||||||||||
| Phthiraptera | ||||||||||||||
| Haeckel, 1896 |
De Deertlüs(e) (Phthiraptera), meist eenfach Lüs(e) nömmt, sünd en Ornen mank de Insekten. Se leevt as Parasiten up annere Deerter. De meisten Aarden hefft keen Flunken un sünd bannig lüttjet, meist bloß en poor Millimeters lang. Bekannt sünd sunnerlich de Suuglüse ut de Unnerornen Anoplura (Echte Lüse), mit de Minschenlüse (as de Schaamluus, de Koppluus un de Klederluus). De Vagellüse ut de Unnerornen Ambycera freet Feddern un höört ok to düsse Ornen mit to. Bi 650 bit 1000 vun de alltohopen 3500 Aarden sünd in Middeleuropa tohuse.
Inholtsverteken
- 1 Kennteken
- 2 Wie se leven doot
- 3 Kiek ok bi
- 4 Belege
- 5 Weblenken
Kennteken[ännern | Bornkood ännern]
Dat Lief vun de Deertlüse is normalerwiese bannig platt, de Kopp steiht meist vör. Normolerwiese hefft de Deerter en Suugrüssel, man sunnerlich bi de Mallophaga könnt se mit ehre Mundwarktüge ok kauen un bieten. De enkelten Segmente vun de Bost sünd tohopenwussen, Flunken dreegt se nich, un an de wat korten Been sitt Klamern an, wo sik de Lüse mit an ehren Weert fastholen könnt.
Wie se leven doot[ännern | Bornkood ännern]
All Deertlüse leevt as Ektoparasiten an Vagels (Vagellüse) oder Söögdeerter (Echte Lüse). Se sünd dor de eenzigste Hööftgruppen (Ornen) mank de Insekten mit, bi de all Deerter, de dor tohören doot, jummerweg as Parasiten up Vagels un Söögdeerter leevt.[1] De meisten Aarden leevt mehr oder minner man bloß up een Weert, faken könnt ok en ganze Reeg vun Aarden up densülvigen Weert sitten. Ohne düssen Weert könnt se meist bloß en poor Dage overleven. Overdragen weert se meist bi direkten Kontakt vun Lief to Lief oder over dat Nest, bi de Klederluus ok over de Kledaasch.
Kiek ok bi[ännern | Bornkood ännern]
- List vun Insekten
Belege[ännern | Bornkood ännern]
- ↑ Johnson, K. P. et al.: Multiple origins of parasitism in lice, 2004, Proc Biol Sci, Vol. 271, S. 1771–1776
Weblenken[ännern | Bornkood ännern]
Deertlüse. Mehr Biller, Videos oder Audiodateien to’t Thema gifft dat bi Wikimedia Commons.