Nidersachse675kiledi P X Rk Lrnds,Ww :

Land Nidersachse


Schbrooch	Dütsch, Saterfriesisch und Plattdütsch au amtlig zueglo
Landeshauptstadt	Hannover
Flechi	47.624,22 km²
Iiwohnerzahl	7.973.800 (30. November 2007)
Bevölkerigsdichti	168 Iiwohner pro km²
Arbetslosequote	5,2 % (Mai 2018)^[1]
Gründig	November 1946
Schulde	51 Mrd. €
ISO 3166-2	DE-NI
Kontakt:
Offizielli Websiite:	www.niedersachsen.de
Politik:
Ministerpräsident:	Stephan Weil (SPD)
Regierendi Parteie:	CDU und Grüeni
Sitzverteilig im Landtag:	CDU 54 SPD 49 Die Grüene 20 FDP 14
Letsti Wahl:	20. Jänner 2013
Neggsti Wahl:	vorussichtlig 2018
Parlamentarischi Vertretig:
Stimme im Bundesroot:	6

Dialäkt: Markgräflerisch (Lörrach)

Nidersachse (amtl. uf dütsch: Niedersachsen, uf plattdütsch: Nedersassen) isch e dytsches Bundesland. S hät e Flächi vo ca. 50.000 km² und ca. 8 Millione Ywohner. D Hauptstadt isch Hannover.

Inhaltsverzeichnis

1 Geografy
2 Gschicht
3 Wappe
4 Wirtschaft und Umwelt
5 Quelle
6 Weblink

Geografy[ändere | Quälltäxt bearbeite]

Nidersachse erstreckt sich über e große Deil vo Nordwestdütschland. S Land gränzt im Norde an Schleswig-Holstei, Brandeburg und Meckleburg-Vorpommre, im Oste an Sachse-Ahalt, im Süde an Hesse und Thüringe und im Weste an Nordrhy-Westfale und Holland. Die nördlichi Grenze ligt züedem an de Nordsee. S Land wird in 38 Landchreis und 8 Chreisfreii Städt ydeilt.

Gschicht[ändere | Quälltäxt bearbeite]

Noch em Wiener Kongress isch s Gebiet, wo mer hütt als Nidersachse bezeichnet, in vier unabhängigi Länder underdeilt worre: s Königrych Hannover, s Großherzogtum Oldeburg, s Herzogtum Brunschwyg-Lüneburg und Fürschtetum Schaumburg-Lippe.

Noch em Dütsche Chrieg (1866) hät Preuße Hannover bsetzt und e Provinz druss gmacht. D Revolutione vo 1918 hän Preuße und di andere drei Länder zu Republike gmacht. 1922 isch Pyrmont, wo vorane zu Waldeck ghört hät, zur Provinz Hannover cho. 15 Johr spöter, 1937, hät Hannover no mit Hamburg Territorium duscht.

Noch em Zweite Wältchrieg isch Nidersachse gröschtedeils vo Großbridannie bsetzt worre. Die bridischi Militärregierig hät 1946 uss de gnännte Deil vom hüttige Nidersachse e Land Nidersachse gformt. Am 1. Mai 1951 isch d Verfassig in Kraft trette.

E Plebiszit hät 1974 d Unabhängigkeit vo Oldeburg und Schaumburg-Lippe verlangt. 1976 sin si definitiv in Nidersachse yglidert worre.

Noch me Abkomme mit Meckleburg-Vorpommre isch Neuhaus 1993 zu Nidersachse zruckcho. Wils öschtlig vo dr Elbe ligt, isch es noch em Zweite Wältchrieg a d DDR gfalle.

Wappe[ändere | Quälltäxt bearbeite]

Uff em Wappe vo Nidersachse isch e Ross abbildet, wo am Springe isch.

D Bevölcherig vo Nidersachse hät langi Zit denkt, s Ross sei s Wappe vom Stammesherzogtum Sachse, e Theory, wo widerlegt worre isch. Welfischi Herzög hän s 1361 als Wappe ygfiehrt, au d Verwendig vom Herzog Widukind isch bekannt. S isch sit em 17. Johrhundert s Wappe vo Hannover, glychzytig aber au vo Brunschwyg gsi. 1951 isch es offiziell als Landeswappe vo Nidersachse aerkännt worre.^[2]

Wirtschaft und Umwelt[ändere | Quälltäxt bearbeite]

Landwirtschaft isch scho lang e wichtige Faktor für die nidersächsischi Wirtschaft. Im Norde und Nordweste isch de Bode sandig, drum wird dört s Grasland verwändet. Im Süde wird wäge de Lössschicht im Bode d Zuckerriebe vyl züchtet und gerntet.

Myne sin johrhunderteland e Ynahmquelle gsi. Yseerz isch friehner für s Harz, Yse für Salzgitter wichtig gsi, allerdings sin d Erträg vo de Myne hütt nümmi so hoch. D EU profitiert trotzdem vom Rohöl uss Nidersachse.

Au d Fabrike hän e große Adeil an de Wirtschaft. De gröscht Hersteller isch Volkswage mit sine fümf Produktionsstelle. Anderi Manufrakturbetrieb sin in de Branche Flugzüg- und Schiffbau, Biotechnology und Stahlveredelig dätig.

De Dienschtleistigssektor isch in de 70er und 80er zum wichtigste Wirtschaftssektor worre. Hüttzdag sin d Tourismusindustry (z. B. TUI z Hannover), Handel und Telekommunikation wichtigi Branche.

Quelle[ändere | Quälltäxt bearbeite]

↑ Arbeitslosenquoten im Mai 2018 – Länder und Kreise. In: statistik.arbeitsagentur.de. Statistik der Bundesagentur für Arbeit. Abgrüeft am 2018-05-30.
↑ Archivierte Kopie. Archiviert vom Original am 2007-02-09. Abgrüeft am 2008-08-15.