Altötting (distrito)h INn k

Altötting
Distrito

Nagsasabtan: 48°15′N 12°45′E / 48.25°N 12.75°E / 48.25; 12.75Nagsasabtan: 48°15′N 12°45′E / 48.25°N 12.75°E / 48.25; 12.75
Pagilian	Alemania
Estado	Bavaria
Adm. a rehion	Oberbayern
Kapitolio	Altötting
Kalawa
• Dagup	569.41 km² (219.85 sq mi)
Populasion (31 Disiembre 2016)^[1]
• Dagup	109,422
• Densidad	190/km² (500/sq mi)
Sona ti oras	UTC+1 (CET)
• Kalgaw (DST)	UTC+2 (CEST)
Panagrehistro ti karro	AÖ
Website	www.lra-aoe.de

Ti Altötting ket maysa a distrito idiay Bavaria, Alemania. Daytoy ket nabeddengan babaen ti (manipud iti daya nga agpakanawan) Austria ken dagiti Babaro a distrito iti Traunstein, Mühldorf ken Rottal-Inn.

Dagiti linaon

1 Pakasaritaan
2 Heograpia
3 Eskudo
4 Dagiti ili ken munisipalidad
5 Dagiti nagibasaran
6 Dagiti akinruar a silpo

Pakasaritaan[urnosen | urnosen ti taudan]

Ti Altötting ket maysa kadagiti kasisigud a parte ti Bavaria. Daytoy ket tinagtagitao dagiti tribu ti Babaro kalpasan ti panagsanod dagiti Romano. Idi las-ud ti panagturay ni Duke Tassilo III (748-788) ti lugar ti Ötting ket immuna idi a naibaga (dagiti ili ti Altötting ken Neuötting ket naala manipud iti dayta alugar). Idi maika-19 a siglo ti rehion ket nagbalin a rehilioso a sentro nga adda kadagiti nadayeg a simbaan ken monestario. Idi maika-15 a siglo nagbalin daytoy a lugar ti peregrinasion.

Ti distrito ti Altötting ket nabangon idi 1837. Ti agdama a papa a ni Papa Benedicto XVI ket naipasngay idi 1927 ditoy idiay purok ti Marktl.

Dagiti puso dagiti adu a nagituray iti Bavaria ket naipunpon idiay kapilia iti Kaasi idiay tengnga ti kuadrado ti ili.

Heograpia[urnosen | urnosen ti taudan]

Ti distrito ket mabirukan idiay ngato a dagdaga ti alpino idiay pagdeddengan ti Austria. Ti kangrunaan nga pagtutumpungan iti daytoy a rehion ket ti Karayan Inn, a mangballasiw ti distrito manipud iti laud nga agpadaya. Daytoy ket pinagtipon dagiti dua a dakkel a tributario, ti Karayan Alz a manipud idiay abagatan ken ti Salzach, a mangporma ti akindaya a pagbeddengan ti distrito. Iti maipatinayon adda pay dagiti babbabassit a karayan ken dagiti waig. Ti distrito ket naabbongan idi kadagiti kabakiran ti kaykayo nga agtintinnag ti bulbulongna, ngem tattan ket maus-sar laengan para iti agrikultura. Nupay kasta, adda pay laeng dagiti katutubo a reserba idiay igid ti akin-baba a Karayan Alz ken idiay sabangan ti Karayan Salzach.

Eskudo[urnosen | urnosen ti taudan]

Ti pannakaiparang ti eskudo:

kanigid: ti kapilia ti peregrinasion idiay ili ti Altötting
kanawan: ti asul ken puraw a naitabas ti kuadrado ti Bavaria

Dagiti ili ken munisipalidad[urnosen | urnosen ti taudan]

Dagiti ili	Dagiti munisipalidad
Altötting (1) Burghausen (2) Neuötting (14) Töging am Inn (20)	Burgkirchen (3) Emmerting (4) Erlbach (5) Feichten (6) Garching (Alz) (7) Haiming (8) Halsbach (9) Kastl (10) Kirchweidach (11) Marktl (12)	Mehring (13) Perach (15) Pleiskirchen (16) Reischach (17) Stammham (18) Teising (19) Tüßling (21) Tyrlaching (22) Unterneukirchen (23) Winhöring (24)