Фоат Галимуллинng ndg RrH12ai __Kl St1Xl Kkel li 20A Zm04
| Фоат Галимуллин | |
|---|---|
 | |
| Туган телдә исем | Фоат Галимулла улы Галимуллин |
| Туган | 21 март 1941 (78 яшь) ТАССР Кукмара районы Арпаяз авылы |
| Милләт | татар |
| Ватандашлыгы |  ССРБ→ Русия |
| Әлма-матер | Татар дәүләт һуманитар-педагогика университеты |
| Һөнәре | язучы, педагог, диктор |
| Ата-ана |
|
| Бүләк һәм мөкәфәтләре |  |
Фоат Галимуллин, Фоат Галимулла улы Галимуллин — татар әдәбияты белгече, КФУ профессоры (2000), филология фәннәре докторы (1999), Татарстанның (1996) һәм РФ (2006) атказанган мәдәният хезмәткәре. ССРБ язучылар берлеге әгъзасы (1990). ТР язучылар берлеге идарәсе рәисе (1999-2005).
Эчтәлек
- 1 Тәрҗемәи хәле
- 2 Фәнни кыйбласы
- 2.1 Монографияләре
- 3 Иҗтимагый эшчәнлеге
- 4 Бүләкләре, мактаулы исемнәре
- 5 Әдәбият
- 6 Сылтамалар
- 7 Искәрмәләр
Тәрҗемәи хәле[үзгәртү | вики-текстны үзгәртү]
1941 елның 21 мартында ТАССР Кукмара районы Арпаяз авылында туган. Пычак авылы җиделлык мәктәбен тәмамлагач, «Әсәнбаш» күмәк хуҗалыгында, туган авылында клуб мөдире булып эшләгән (1957-1962). «Халык театры режиссеры» белгечлеге буенча Алабугада Татарстан республика мәдәни-агарту укуханәсен, «Татар теле һәм әдәбияты укытучысы» белгечлеге буенча Казан дәүләт педагогия институтының тарих-филология факультеты татар теле һәм әдәбияты бүлеген (1974) тәмамлаган.
«Хәзерге татар прозасында хезмәт кешеләре характерлары» темасына филология фәннәре кандидатлыгына (Уфа, 1980), «1920-1930 еллар татар әдәбиятында эстетика һәм социологизмның үзара мөнәсәбәте» темасына докторлык (Казан, 1999) диссертацияләре яклаган.
- 1962-1965 елларда хәрби хезмәттә була.
- 1965-1967 елларда КПССның Кукмара райкомында инструктор һәм район мәдәният йорты директоры булып эшли.
- 1967-1974 елларда Татарстан АССР радиокомитетында радио дикторы.
- 1977-1986 елларда Казан дәүләт педагогия институтының тарих-филология факультетының декан урынбасары, 1986-1991 елларда деканы булып эшли, 1995-2000 елларда татар әдәбияты кафедрасы мөдире.
Фәнни кыйбласы[үзгәртү | вики-текстны үзгәртү]
Гыйльми эшчәнлегенең төп өлкәсе — әдәбият фәне, әдәби тәнкыйть. 600дән артык фәнни-тәнкыйди хезмәт язган. Татар әдәбияты тарихының 1920-1930 еллардагы күренешләрен: 1917 елгы инкыйлабтан соң әдәбиятның идеология максатларына буйсындырылуы тарихын, әдәбиятта социалистик реализм методының җиңүе процессларын өйрәнә.
Монографияләре[үзгәртү | вики-текстны үзгәртү]
- Инешләр Иделгә кушыла. Казан, 1985.
- Офыкларны алдан күреп. Казан, 1995.
- Эстетика һәм социологизм. Казан: «Мәгариф», 1998.
- Әле без туганчы. Казан: ТКН, 2001.
- Табигыйлеккә хилафлык. Казан: ТКН, 2004.
- Время поиска. Казан: «Мәгариф», 2005.
- Вопросы эстетики в татарской литературе 1920-30-х годов. Казан: ТДГПУ, 2010.
Татар әдәбияты буенча дәреслекләр авторы: урыс мәктәпләренең 4, 9, 10нчы сыйныф укучылары, татар мәктәпләренең 7, 10, 11нче сыйныф укучылары өчен.
Иҗтимагый эшчәнлеге[үзгәртү | вики-текстны үзгәртү]
- Татарстан язучылар берлеге идарәсе рәисе итеп сайлана (1999 — беренче мөддәткә, 2002 — икенче мөддәткә).
- 1999 Татарстанның халык депутаты.
- 2004 Татарстан Дәүләт шурасы депутаты.
Бүләкләре, мактаулы исемнәре[үзгәртү | вики-текстны үзгәртү]
- 1996 Татарстанның атказанган мәдәният хезмәткәре
- 2005 ТР язучылар берлегенең Җамал Вәлиди исемендәге премиясе — «Табигыйлеккә хилафлык» (2004) китабы өчен.
- 2005 «Казанның меңьеллыгы истәлегенә» медале
- 2006 РФ атказанган мәдәният хезмәткәре
- 2010 Мәҗит Гафури премиясе (Башкортстан)
- 2011 «Фидакәр хезмәт өчен» медале (Татарстан)
Әдәбият[үзгәртү | вики-текстны үзгәртү]
- Авзалова М. Кайда да син үз кеше. «Шәһри Казан», 1995 ел, 3 февраль.
- Әхмәтова Ч. Диктор — ул дәүләт тавышы. «Шәһри Казан», 1996 ел, 9 февраль.
- Гыймадиева Л. Кече күңелле олы галим . «Сабантуй», 2001 ел, 23 март.
- Әнвәр Шәрипов. Эш күрсәткән ирне ил хөрмәтләр. «Мәйдан», 2016 ел, № 3.
Сылтамалар[үзгәртү | вики-текстны үзгәртү]
- Ф.Г. Галимуллин КФУ рәсми сайтында(рус.)
- Ф.Г. Галимуллин «Милләттәшләр» сайтында(рус.)